Terminbuchung - Landkreis Kulmbach

Regjistrimi për trajnimin sipas seksioneve § 42 dhe § 43 të aktit “Për mbrojtjen nga infeksionet”

Udhëzime të përgjithshme për pjesëmarrjen dhe regjistrimin "Udhëzime sipas nenit 42 dhe nenit 43 të ligjit për mbrojtjen nga infektimi":

Pjesëmarrja Në vijim ju keni mundësinë për t'u regjistruar për një udhëzim online sipas ligjit për mbrojtjen nga infektimi, i cili ju përçon rregullat më të rëndësishme të higjienës në lidhje me ushqimet. Pas përfundimit të kursit ju merrni një vërtetim, të cilin duhet ta paraqitni te punëdhënësi juaj. Online nënkupton që ju mund ta kryeni mësimin nga shtëpia ose nga ndonjë vend tjetër. Ju nevojitet vetëm një PC, Notebook, tablet, smartfon ose gjëra të ngjashme si dhe një lidhje e qëndrueshme interneti.. Pjesëmarrja është me detyrim pagese. Informacione të hollësishme gjeni në "2. Regjistrimi". Për ecurinë: Ju do të shihni një film në gjermanisht për rreth 20 minuta (gjuhët e huaja shfaqen me titra) dhe do të lexoni një broshurë (disponohet në gjuhë të ndryshme). Më pas, jepni një test Multiple Choice (me vendosje kryqesh), për të vërtetuar suksesin tuaj të të mësuarit. Ju edhe mund ta përsëritni testin, nëse është e nevojshme. Vërtetimin për testin e përfunduar me sukses mund ta shkarkoni direkt në fund. Në raste përjashtuese ne jua dërgojmë këtë edhe nëpërmjet emailit. Por meqë dërgimi nëpërmjet emailit nuk është rrugë e sigurt transmetimi, ne ju tërheqim vëmendjen për rreziqet e lidhura me të. Datat e trajnimit ofrohen të hënën deri të premten nga ora 8:00 deri në orën 20:30 dhe të shtunën midis orës 9:00 dhe 15:30. TZG (Technologiezentrum Glehn GmbH, Hauptstraße 76, 41352 Korschenbroich-Glehn) vendos në dispozicion platformën e udhëzimit dhe është në dispozicion për ju, gjatë dhe pas udhëzimit për pyetjet teknike. Përmbajtjet profesionale të udhëzimit online sipas nenit 42 dhe nenit 43 të ligjit për mbrojtjen nga infektimi janë kontrolluar dhe miratuar nga zyra e shëndetësisë. Regjistrimi Me procedurën e mëposhtme ju mund të regjistroheni për udhëzimin. Zgjidhni një datë udhëzimi nga oraret e disponueshme. Ju e rezervoni datën, duke paguar direkt online kostot prej 29,00 Euro. Transferta paraprake është gjithashtu e mundur. Për këtë kontaktoni me anë të telefonit në Hotline tonë 0 2182 - 8507 - 65 dhe kini parasysh vonesën, sepse vetëm pas hyrjes së pagesës ju do të merrni një link për rezervimin e datës. Pas regjistrimit ju merrni nëpërmjet emailit një konfirmim regjistrimi /faturë, i cili shërben për ta paraqitur te punëdhënësi. Një përshkrim të saktë të udhëzimit për higjienën e gjeni në linkun e mëposhtëm: Ecuria Lexoni me vëmendje ecurinë tani ose më së voni përpara datës suaj të udhëzimit. Në udhëzimin online janë përfshirë shërbimet e mëposhtme: Udhëzimi, lëshimi dhe dërgimi i vërtetimit. Si opsion pagese keni në dispozicion mënyrat e mëposhtme: Giropay (transferta online) Kartë krediti PayPal Transferta nëpërmjet bankës (Është i mundur vetëm nëpërmjet Hotline 0 2182 - 8507 - 65 Rezervimi i datës vetëm pas hyrjes së pagesës Koha e përpunimit rreth 4 ditë)
Udhëzime të tjera: Vërtetimi për pjesëmarrjen në udhëzim nuk duhet të jetë më i vjetër se 3 muaj kur filloni punë për herë të parë. E gjithë ecuria e udhëzimit zgjat si rregull rreth 45 minuta. Ju keni zgjedhjen për gjuhët e mëposhtme: Shqip, arabisht, bullgarisht, kinezisht, gjermanisht (përfshirë gjuhën e shenjave), gjermanisht (gjuha e thjeshtë), anglisht, farsi, frëngjisht, greqisht, italisht, japonisht, koreanisht, kroatisht, kurdisht, polonisht, portugalisht, rumanisht, rusisht, serbisht, sllovakisht, spanjisht, çekisht, turqisht, ukrainisht, hungarisht, vietnamisht* * = Video vetëm me titra Videotelefonata që bëjmë për datën e udhëzimit për qëllime identifikimi është në gjuhën gjermane. Nëse jeni në dijeni të argumentimeve për një ndalim të aktivitetit, kontaktoni direkt me zyrën e shëndetësisë që është përgjegjëse për ju!


	Unë konfirmoj që i kam lexuar udhëzimet e përgjithshme për pjesëmarrjen dhe regjistrimin dhe i pranoj ato.

Politika për privatësinë

	Me dërgimin e formularit të aplikimit online, unë pranoj që të dhënat e mia personale të mblidhen dhe të përpunohen vetëm për të identifikuar personin tim, nëpërmjet komunikimit me email ose mjetit përkatës të komunikimit të ofruesit të palës së tretë që kam zgjedhur, për dhënien e udhëzimit, lëshimin e vërtetimit dhe dërgimin e mundshëm me email si dhe për përcjelljen e mëtejshme tek Technologiezentrum Glehn GmbH, Hauptstraße 76, 41352 Korschenbroich-Glehn dhe me ndihmën e një sistemi pagese të menjëhershme si klient i bankës online ose ofrues i shërbimit të pagesave që kam zgjedhur. Ato nuk duhen përcjellë më tej në palë të tjera të treta pa dhënë pëlqimin tim të shprehur. Unë jam i vetëdijshëm që TZG nuk ka asnjë ndikim në atë që ndodh me të dhënat e mia personale në lidhje me përdorimin e mjeteve të komunikimit të përmendura nga palët e treta. Për më tej, unë jam i vetëdijshëm që dërgimi i emaileve mund të jetë i lidhur me një rrezik. Unë konfirmoj që jam i informuar mjaftueshëm për këto rreziqe të mundshme. Pëlqimi im është me vullnet të lirë. Të dhënat e mbledhura dhe të ruajtura për mua fshihen plotësisht pasi të ketë skaduar afati i ruajtjes ligjore, me kusht që të jenë brenda zonës së aksesit të TZG. Një revokim i pëlqimit është i mundur në çdo kohë dhe ka si pasojë përfundimin e menjëhershëm të procesit dhe fshirjen e të gjitha të dhënave. Kam lexuar informacione të mëtejshme për mbrojtjen e të dhënave dhe zyrtarin për mbrojtjen e të dhënave të TZ-Glehn.